Littara ‘i l’emigranti

Rocco Cordì (Sinistra e libertà) alla 24 ore di lettura di Malnate ha letto in calabrese "Lettera dell'emigrante"

LITTARA ‘I L’ EMIGRANTI

Cara mugghieri, eccu ca ti scrivu,

I ‘sta cittati ricca e scunsulata,

Adduvi mi sbattiu fortuna ‘ngrata

E staju menzu mortu e menzu vivu.

Lavuru com’ebreu e comu tali

Mi guardanu e mi trattanu ‘sti genti;

Comu quasi ca fussi discendenti

Non tantu ‘i l’omu quantu ‘i l’animali.

Ed’eu, mparatu u staju tra l’amici,

U ndi cuntamu i peni e li suspiri

E mu ndi cunortamu nto patiri,

Suffru, mugghieri, quanto non si dici.

Mi veni ‘a tentazioni, ogni mumentu,

U pigghiu ‘u trenu, ‘u scappu a casa mia,

U m’abbrazzu i figghioli, u basu a ttia,

U mi viju c’amici e pemmu sentu

‘A pecora ch’abbrama e la cummari

Chi currija ‘a gaijna oppure ‘u cani

Chi giranu p’a casa morti ‘i fami;

U larzu l’occhi e pemmu viju ‘u mari,

L’arburi, i strati, i casi d’u pajisi,

I voi cu carru chinu di fascini,

‘A hijocca chi difendi i pulicini,

Genti chi ciangi o chi hijacca d’arrisi,

Chi ti guarda, ti parra, ti saluta,

E senti ca ndai ‘n’anima, ‘nu cori,

E ca non si’ ‘nu pezzu ‘i ‘nu motori.

Ma poi mi votu e ti viju seduta

Chi ripezzi ‘a cammina o li carzuni,

E pensi ch’è stutatu u focularu,

E stai passandu ’n’antru jornu amaru,

Senza ‘nu tozzu ‘i pani ‘nto casciuni.

Mi scordu ‘u trenu e cu’ cori ncajatu,

Ricogghiu i quattro sordi chi pigghiavi,

Ti scrivu ‘u vaglia e u basu. T’ ‘u mandavi.

Mugghieri mia, ‘i lagrimi nzuppatu.

Redazione VareseNews redazione@varesenews.it

Noi della redazione di VareseNews crediamo che una buona informazione contribuisca a migliorare la vita di tutti. Ogni giorno lavoriamo cercando di stimolare curiosità e spirito critico.

Pubblicato il 14 Luglio 2009

Leggi i commenti

TAG ARTICOLO

Commenti

Accedi o registrati per commentare questo articolo.

L'email è richiesta ma non verrà mostrata ai visitatori. Il contenuto di questo commento esprime il pensiero dell'autore e non rappresenta la linea editoriale di VareseNews.it, che rimane autonoma e indipendente. I messaggi inclusi nei commenti non sono testi giornalistici, ma post inviati dai singoli lettori che possono essere automaticamente pubblicati senza filtro preventivo. I commenti che includano uno o più link a siti esterni verranno rimossi in automatico dal sistema.